今日下午舉行開幕禮後，台灣觀光局香港辦事處主任巫宗霖、中華航空香港分公司總經理傅小雯及港澳台灣慈善基金會永遠榮譽主席錢立祐等人，在台北市牛肉麵交流發展協會理事長鄭正中帶領下，穿梭各攤檔逐一試味，現場香味四溢，真係聞到都流晒口水。巫宗霖話，由於香港舖租太貴，台灣業者計過條數，都係唔敢跨海來開分店。
8位金牌大廚之中，有一位樣貌鬼鬼地嘅師傅阮大為，原來佢係伊朗人，到台灣定居廿幾年，仲娶咗台灣太太，難怪講起國語十分流利。阮大為話，佢原本到台灣做生意，後來改賣牛肉麵，事關台灣牛肉麵係佢至愛美食，佢仲將波斯香料等中東佐料加入湯底，創意十足。
